কৃষ্ণকান্ত সন্দিকৈ মুক্ত বিশ্ববিদ্যালয়ৰ উপাচাৰ্যক নিলম্বন কিয় ?

কৃষ্ণকান্ত সন্দিকৈ মুক্ত বিশ্ববিদ্যালয়ৰ উপাচাৰ্য কন্দৰ্প কুমাৰ দাসক নিলম্বন কৰা হৈছে ৷ উপাচাৰ্যগৰাকীয়ে গুৱাহাটী বিশ্ববিদ্যালয়ৰ দূৰ শিক্ষা প্ৰতিষ্ঠানত কাৰ্যনিৰ্বাহ কৰা সময়ত এক গুৰুতৰ অনিয়ম সংঘটিত কৰাৰ অভিযোগ উত্থাপণ হৈছিল ৷ উল্লেখ্য যে ২০১০ ৰ পৰা ২০১৭ চনৰ ভিতৰত আইডলত মুঠ ২১ টা বিষয় ইউ জি চিৰ অনুমোদন নোহোৱাকৈ অন্তৰ্ভুক্ত কৰা হৈছিল ৷ উক্ত সময়ছোৱাত ২১ টা বিষয়ৰ বিপৰীতে ৭৪ হাজাৰ ছাত্ৰ – ছাত্ৰীয়ে নামভৰ্তি কৰে আৰু নামভৰ্তিৰ বিনিময়ত মাচুল সংগ্ৰহ হয় প্ৰায় ৪০ কৌটি টকা ৷ পৰৱৰ্তী সময়ত বিষয়টো পোহৰলৈ অহাত গুৱাহাটী বিশ্ববিদ্যালয়ে এখন তদন্ত আয়োগ গঠন কৰি দিয়ে ৷ আয়োগে সমগ্ৰ অনিয়মৰ বাবে আইডলৰ সঞ্চালক , উপাচাৰ্য আৰু পঞ্জীয়কক দোষাৰোপ কৰে ৷ সেই সময়ত আইডলৰ সঞ্চালক আছিল বৰ্তমানৰ কৃষ্ণকান্ত সন্দিকৈ মুক্ত বিশ্ববিদ্যালয়ৰ উপাচাৰ্য কন্দৰ্প কুমাৰ দাস ৷ ৰাজভৱনে শেহতীয়া এক নিৰ্দেশযোগে উপাচাৰ্যগৰাকীক নিলম্বন কৰে ৷