Investigative reporting with dedication.
কোভিশিল্ড নে কোভাক্সিন – কোনটো বেছি ভাল ? ভেকচিন গ্ৰহণকাৰীসকলৰ বাবে ই এটা উত্তৰ বিহীন প্ৰশ্ন ৷ এই প্ৰশ্নৰ উত্তৰ বিচাৰি ১০ গৰাকী চিকিৎসকে এক সমীক্ষা চলায় কলকাতাৰ পিয়াৰলেছ হাস্পতালত ৷ সমীক্ষাৰ ফলাফল অনুসৰি , দুয়োটা ভেকচিনৰে ফলাফল সমান ৷ সমানেই কাৰ্যকৰী দুয়োটা ভেকচিন ৷ আনহাতে , ভেকচিন লোৱাৰ পাছত মৃত্যু হোৱা লোকৰ ক্ষেত্ৰতো দুয়োটা ভেকচিনৰ ফলাফল একেই ৷ এপ্ৰিল আৰু জুন মাহত হাস্পতালখনৰ ক্ৰিটিকেল কেয়াৰ ইউনিটৰ ২৯৪ জন ৰোগীৰ মাজত এই সমীক্ষা চলোৱা হৈছিল ৷ এওলোকৰ মাজত ১৬ জন কোভাক্সিন আৰু ৭৮ জন কোভিশিল্ড লোৱা ব্যক্তি আছিল ৷ কোভিশিল্ড লোৱা আক্ৰান্তৰ সংখ্যা বেছি হ’লেও চিকিৎসকে প্ৰকাশ কৰা মতে , কোভাক্সিনতকৈ বেছি সংখ্যক লোকক কোভিশিল্ড ভেকচিন দিয়া হৈছে ৷ গতিকে এই তাৰতম্য অতি নগন্য ৷ এই ৰোগীসকলৰ ভিতৰত ৪০ জন অৰ্থাৎ ১৩ .৬ শতাংশৰ মৃত্যু হয় ৷ ইয়াৰে তিনিজনে দুটা ড’জ আৰু ১০ জনে এটা ড’জ ভেকচিন লৈছিল ৷দুটা ড’জ লোৱাকেইজনৰ দুজনে কোভিশিল্ড আৰু এজনে কোভাক্সিন ভেকচিন লৈছিল ৷ গতিকে চিকিৎসকসকলে ক’ব বিচাৰে যে গুৰুতৰ কোভিড ৰোগীসকলৰ মাজত ভেকচিনৰ কাৰ্যকৰীতাৰ কোনো বিশেষ তাৰতম্য নাই ৷
