Investigative reporting with dedication.
টি ২০ বিশ্বকাপৰ প্ৰদৰ্শনক লৈ সমালোচনাৰ সন্মুখীন হৈছে ক্ৰিকেটাৰ হাৰ্দিক পাণ্ডিয়া ৷ বিশ্বকাপ শেষ , কিন্তু আকৌ এবাৰ বিতৰ্কত সোমাই পৰিছে পাণ্ডিয়া ৷ ডুবাইৰ পৰা ভাৰতলৈ ওভতাৰ পথত হাৰ্দিক পাণ্ডিয়াৰ পৰা দুটা কৌটিটকীয়া ঘড়ী জব্দ কৰিছে শুল্ক বিভাগে ৷ঘড়ী দুটা ক্ৰয় কৰাৰ বিল দেখুৱাবলৈ কোৱাত পাণ্ডিয়াই সেয়া দেখুৱাব নোৱাৰিলে ৷ তাৰ পাছতে শুল্ক বিভাগে দুয়োটা ঘড়ী জব্দ কৰাৰ সিদ্ধান্ত লয় ৷ঘড়ী দুটাৰ দাম হ’ব প্ৰায় ৫ কৌটি টকা ৷ ইপিনে হাৰ্দিক পাণ্ডিয়াই টুইটাৰ যোগে সদৰী কৰা অনুসৰি তেও নিজেই ডুবাইৰ পৰা ক্ৰয় কৰা ঘড়ীটোৰ বাবে প্ৰয়োজনীয় কৰ আদায় দিব বিচাৰিছিল ৷ কিন্তু ইয়াৰদাম নিৰ্ধাৰণৰ বাবে শুল্ক বিভাগে ঘড়ীটো জব্দ কৰি থয় ৷ তেওৰ মতে শুল্ক বিভাগে এটা ঘড়ীহে জব্দ কৰিছে ৷ যাৰ মূল্য হ’ব ১.৫০ কৌটি টকা ৷দুটা ঘড়ী জব্দ কৰা বুলি ওলোৱা খবৰ মিছা ৷
