Investigative reporting with dedication.
ভাৰতত সাংবাদিকতা যে মুঠেও নিৰাপদ বৃত্তি নহয় , সেয়া আকৌ এবাৰ প্ৰমান হ’ল ৷ বিহাৰৰ মধুবনীত উদ্ধাৰ হৈছে এগৰাকী সাংবাদিকৰ অগ্নিদগ্ধ মৃতদেহ ৷ মৃত সাংবাদিকজনৰ নাম অবিনাশ ঝা ৷ তেও স্থানীয় এটা সংবাদ মাধ্যমৰ লগত জড়িত ৷ মঙলবাৰে নিশাৰ পৰা নিখোজ হৈ থকা সাংবাদিকগৰাকীৰ মৃতদেহ উদ্ধাৰ হয় শুকুৰবাৰে ৷
অবিনাশ ঝাই বহু ভুৱা মেডিকেল ক্লিনিকৰ তথ্য উন্মোচন কৰিছিল ৷ তাৰ পাছতে প্ৰশাসনে কেবাখনো ক্লিনিক বন্ধ কৰি দিয়ে ৷ সেই সময়ত কিছুসংখ্যক ক্লিনিকৰ স্বত্বাধিকাৰীয়ে অবিনাশক টকাৰ প্ৰলোভন দিছিল যদিও তেও সেয়া ল’বলৈ অস্বীকাৰ কৰিছিল ৷ তাৰ পাছত অবিনাশ হৈ পৰে দুষ্টচক্ৰৰ আক্ৰমণৰ লক্ষ্য ৷ মঙলবাৰে নিশা প্ৰায় ১০ বজাত তেওক স্থানীয় এখন বজাৰত শেষবাৰৰ বাবে দেখা গৈছিল ৷ দুদিন নিখোজ হৈ থকাৰ পাছত শুকুৰবাৰে ৰাষ্ট্ৰীয় ঘাইপথৰ ওপৰত তেওৰ অগ্নিদগ্ধ মৃতদেহ উদ্ধাৰ হয় ৷
