Investigative reporting with dedication.
ধাৰাষাৰ বৰষুণে বিপৰ্যস্ত কৰিছে তামিলনাডুৰ জনজীৱন ৷ বিগত কেবাদিনো ধৰি হৈ থকা মূষলধাৰ বৰষুণৰ ফলত চেন্নাইকে ধৰি ৰাজ্যখনৰ কেবাখনো চহৰ জলমগ্ন হৈ পৰিছে ৷ পৰিস্থিতি ইমানেই ভয়ানক হৈ পৰিছে যে ৪ জন লোকৰ ইতিমধ্যে মৃত্যু হৈছে ৷ বিদ্যালয় – মহাবিদ্যালয়সমূহ বন্ধ ঘোষণা কৰা হৈছে আৰু ১৪ খন জিলাত অৰেঞ্জ এলাৰ্ট জাৰি কৰা হৈছে ৷
বতৰ বিজ্ঞান বিভাগৰ মতে বে অৱ বেংগলত নিম্ন চাপৰ সৃষ্টি হোৱা বাবেই এনে অভাৱনীয় বৰষুণৰ সন্মুখীন হৈছে তামিলনাডু ৷ অহা ১১ নৱেম্বৰ পৰ্যন্ত বৰষুণ অব্যাহত থাকিব বুলি বিভাগটোৱে জানিবলৈ দিছে ৷
