ভাৰতৰ প্ৰধানমন্ত্ৰী মোডীৰ ঢাকা ভ্ৰমণৰ সময়ত হিংসাত্মক ঘটনা সংঘটিত কৰোৱা ৰিজৱান ৰফিকক গ্ৰেপ্তাৰ কৰিছে ঢাকা মেট্ৰ’পলিটান আৰক্ষীয়ে। ঢাকা মেট্ৰ’পলিটান আৰক্ষীৰ চোৰাংচোৱা শাখাই সন্ত্ৰাসবাদী সংগঠন হেফাজত-ই-ইছলামৰ সদস্য ৰিজৱান ৰফিকক গ্ৰেপ্তাৰ কৰিছে। মাৰ্চ মাহত প্ৰধানমন্ত্ৰী নৰেন্দ্ৰ মোদীৰ বাংলাদেশ ভ্ৰমণৰ সময়ত ঢাকাত হিংসাত্মক ঘটনা সংঘটিত কৰাৰ অভিযোগ আছে ৰিজৱানৰ বিৰুদ্ধে। অতিৰিক্ত চোৰাংচোৱা শাখাৰ আয়ুক্ত এ কে এম হাফিজ আখটাৰে কয় যে শুকুৰবাৰে নিশা ৰফিকক মুগদা অঞ্চলৰ পৰা গ্ৰেপ্তাৰ কৰা হৈছে।
ঢাকাত ২৬ মাৰ্চত সংঘটিত হিংসাত্মক ঘটনাৰ সন্দৰ্ভত পল্টন আৰক্ষী থানাত তেওঁৰ বিৰুদ্ধে এটা গোচৰ ৰুজু কৰা হৈছিল। তেওঁ প্ৰধানমন্ত্ৰী মোডীৰ বাংলাদেশ ভ্ৰমণৰ বিৰোধিতা কৰিছিল। আখটাৰে কৈছিল যে ৰিজৱানে ফেচবুক আৰু অন্যান্য সামাজিক মাধ্যমৰ মঞ্চত উচতনিমূলক পোষ্ট শ্বেয়াৰ কৰিছিল আৰু আন ইণ্টাৰনেট মিডিয়া প্লেটফৰ্মত সন্ত্ৰাসবাদী সংগঠনৰ শীৰ্ষ নেতাসকলকো সমৰ্থন কৰিছিল।
এই বছৰৰ মাৰ্চ মাহত প্ৰধানমন্ত্ৰী শ্ৰী নৰেন্দ্ৰ মোদীয়ে দুদিনীয়া বাংলাদেশ ভ্ৰমণ কৰিছিল। কৰোনা কাল আৰম্ভ হোৱাৰ পিছত এইটো মোডীৰ প্ৰথম বিদেশ ভ্ৰমণ আছিল। এই ভ্ৰমণকালত প্ৰধানমন্ত্ৰীয়ে বাংলাদেশৰ স্বাধীনতাৰ ৫০ তম বাৰ্ষিকী উদযাপনতো অংশগ্ৰহণ কৰিছিল। এই উপলক্ষে প্ৰধানমন্ত্ৰী মোদীয়ে ভাৰত-বাংলাদেশ সম্পৰ্ক তথা অংশীদাৰী ঐতিহ্য আৰু দুয়োখন দেশৰ উমৈহতীয়া লক্ষ্যৰ ওপৰত ব্যাপক ভাৱে বক্তব্য ৰাখিছিল।
প্ৰধানমন্ত্ৰী মোদীয়ে বাংলাদেশৰ স্বাধীনতা কিম্বা ভাৰতীয় সৈনিকৰ বলিদান আৰু তদানীন্তন প্ৰধানমন্ত্ৰী ইন্দিৰা গান্ধীৰ ভূমিকাৰ কথাও উল্লেখ কৰিছিল। ইয়াৰ উপৰিও প্ৰধানমন্ত্ৰী গৰাকীয়ে মুক্তি সংগ্ৰামৰ সময়ত পাকিস্তানী সেনাৰ অত্যাচাৰ আৰু গণহত্যাৰ কথা উল্লেখ কৰে। তেওঁ কৈছিল যে সেই অত্যাচাৰ আৰু দমনৰ আলোচনা হোৱা উচিত নহয়। দুয়োখন দেশৰ মাজত থকা শক্তিশালী সম্পৰ্কৰ কথা উল্লেখ কৰি প্ৰধানমন্ত্ৰী শ্ৰী নৰেন্দ্ৰ মোদীয়ে কয় যে ভাৰত আৰু বাংলাদেশ দুয়োখন দেশ গণতান্ত্ৰিক দেশ আৰু আমাৰ ঐতিহ্যও একে । আমাৰ বিকাশ তথা আমাৰ লক্ষ্যবোৰো একে আৰু আমাৰ প্ৰত্যাহ্বানবোৰো একো। আমাৰ বাণিজ্য আৰু উদ্যোগত একে ধৰণৰ সম্ভাৱনা আছে সেয়েহে সন্ত্ৰাসবাদৰ দৰে একে ধৰণৰ ভাবুকিও আছে।
