Investigative reporting with dedication.
ভাৰতীয় ক্ৰিকেটৰ এটা ডাঙৰ খবৰ ৷ ভাৰতীয় ক্ৰিকেট দলৰ প্ৰশিক্ষক ৰবি শাস্ত্ৰীৰ বিদায় আসন্ন হৈ পৰিছে ৷ অহা অক্টোবৰ – নবেম্বৰ মাহত অনুষ্ঠিত হ’বলগীয়া টি-২০ বিশ্বকাপৰ পাছতে নতুন প্ৰশিক্ষক নিযুক্তি দিয়াৰ সম্ভাৱণা প্ৰবল হৈ পৰিছে ৷ শাস্ত্ৰীৰ লগতে বলিঙ প্ৰশিক্ষক ভৰত অৰুণ , ফিল্ডিং প্ৰশিক্ষক আৰ শ্ৰীধৰ আৰু বেটিং প্ৰশিক্ষক বিক্ৰম ৰাথোড়েও বিদায় ল’ব পাৰে ৷ মুলত: ৰবি শাস্ত্ৰীৰ প্ৰশিক্ষণৰ সময়ছোৱাত ভাৰতে এটাও আই চি চি ট্ৰফী জয় কৰিব নোৱাৰা বাবেই দলটোত এনে বৃহৎ পৰিৱৰ্তনৰ পোষকতা কৰা হৈছে ৷ নবেম্বৰ মাহত ৰবি শাস্ত্ৰীসহ আটাইকেইগৰাকী প্ৰশিক্ষকৰ কাৰ্যকালৰ অন্ত পৰিব ৷ তাৰ পাছত নতুন কাৰ্যকালৰ বাবে বি চি চি আয়ে নতুন প্ৰশিক্ষক নিযুক্তি দিয়াৰ যো-জা চলাইছে ৷
কোন হ’ব নতুন প্ৰশিক্ষক ?
ভাৰতীয় দলৰ প্ৰাক্তণ অধিনায়ক ৰাহুল দ্ৰাবিড় ভাৰতীয় ক্ৰিকেট দলৰ নতুন অধিনায়ক হোৱাটো প্ৰায় নিশ্চিত হৈ পৰিছে ৷১৯ বছৰ বয়সৰ অনুৰ্ধৰ দলৰ প্ৰশিক্ষক হিচাপে দ্ৰাবিড়ে দেখুওৱা সফলতাৰ বাবে তেওক নতুন দায়িত্ব দিয়া হ’ব ৷শেহতীয়া শ্ৰীলংকা ভ্ৰমণৰ সময়ত তেওক ভাৰতীয় মূল দলৰ প্ৰশিক্ষকৰ ভূমিকাত দেখা গৈছিল ৷ শ্ৰীলংকাৰ সৈতে অনুষ্ঠিত হোৱা এদিনীয়া চিৰিজত ভাৰতে জয়লাভ কৰিবলৈও সক্ষম হৈছিল ৷ইতিমধ্যে নেচনেল ক্ৰিকেট একাডেমীৰ মুৰব্বী হিচাপে ৰাহুল দ্ৰাবিড়ৰ কাৰ্যকালৰ অন্ত পৰিছে ৷ ইয়াৰ পাছত ভাৰতীয় সলৰ প্ৰশিক্ষকৰ ৰূপত দেখা যাব পাৰে দ্য ৱাল খ্যাত এইগৰাকী প্ৰাক্তণ অধিনায়কক ৷
