সোমবাৰে বিত্তমন্ত্ৰী নিৰ্মলা সীতাৰমণে মুকলি কৰে চাৰি বছৰীয়া নেচনেল মনিটাইজেশ্বন প্লেন ৷ এই পৰিকল্পনা অনুসৰি ৰাজহুৱা খণ্ডত থকা সম্পত্তি লীজত দি ভাৰত চৰকাৰে চাৰি বছৰত ৬ লাখ কৌটি ধন ঘটাৰ লক্ষ্য লৈছে ৷ লীজত দিবলগীয়া সম্পত্তি সমূহৰ ভিতৰত আছে পথ , ৰেলৱে , শক্তি , খনি , টেলিকম , প্ৰাকৃতিক গেছ , বন্দৰ , বিমানসেৱা , পেট্র’লিয়াম আদি খণ্ডৰ বহু সম্পত্তি ৷
ক’ৰ পৰা কিমান ধন আহৰণৰ লক্ষ্য লৈছে কেন্দ্ৰই ?
ব্যক্তিগত খণ্ডক লীজত গতাই দি নৰেন্দ্ৰ মোদী নেতৃত্বাধীন চৰকাৰখনে পথৰ পৰা ১,৬০,২০০ কৌটি , ৰেলৱেৰ পৰা ১,৫২,৪৯৬ কৌটি , শক্তি খণ্ডৰ পৰা ৪৫,২০০ কৌটি , প্ৰাকৃতিক গেছ পাইপলাইনৰ পৰা ২৪,৪৬২ কৌটি , অন্যান্য পাইপলাইনৰ পৰা ২২, ৫০৪ কৌটি , টেলিকমৰ পৰা ৩৫,১০০ কৌটি , ৱেৰহাউচৰ পৰা ২৮,৯০০ কৌটি , মাইনিঙৰ পৰা ২৮,৭৪৭ কৌটি , বিমান পৰিবহনৰ পৰা ২০,৭৮২ কৌটি , বন্দৰৰ পৰা ১২,৮২৮ কৌটি , ষ্টেডিয়ামৰ পৰা ১১, ৪৫০ কৌটি টকা সংগ্ৰহৰ লক্ষ্য নিৰ্ধাৰণ কৰিছে ৷
