Investigative reporting with dedication.
বিশেষ হাইস্কুল শিক্ষান্ত আৰু হাইমাদ্ৰাছা পৰীক্ষাৰ ফলাফলসমূহ আজি ঘোষণা কৰা হৈছে ৷ অসম মাধ্যমিক শিক্ষা পৰিষদে অনুষ্ঠিত কৰা বিশেষ হাইস্কুল শিক্ষান্ত পৰীক্ষাত ১৮৮১৫ গৰাকী আৰু হাই মাদ্ৰাছা পৰীক্ষাত ৪৯০ গৰাকী পৰীক্ষাৰ্থী অৱতীৰ্ণ হৈছিল ৷ হাইস্কুল শিক্ষান্ত পৰীক্ষাত ১৩৪২১ গৰাকী পৰীক্ষাৰ্থী উত্তীৰ্ণ হৈছে ৷ উত্তীৰ্ণৰ হাৰ ৭০.৬৮ শতাংশ ৷ লক্ষণীয় কথাটো হ’ল ২৬৬ গৰাকী পৰীক্ষাৰ্থীয়েহে নতুন মূল্যায়ন পদ্ধতিৰে ঘোষিত ফলাফলত সন্তুষ্ট নহৈ বেটাৰমেন্ট দিছিল ৷ ইয়াৰে ৩৭ গৰাকীয়ে ডিষ্টিঙছন , ৬৪ গৰাকীয়ে ষ্টাৰ মাৰ্ক , ৯৪ গৰাকীয়ে প্ৰথম বিভাগ আৰু ৬১ গৰাকীয়ে দ্বিতীয় বিভাগ লাভ কৰে ৷ আনহাতে , কমপাৰ্টমেন্টেল পৰীক্ষাত অৱতীৰ্ণ সকলৰ ভিতৰত ২৫ গৰাকীয়ে ষ্টাৰ মাৰ্ক আৰু ৩২৪ গৰাকীয়ে দ্বিতীয় বিভাগ লাভ কৰিবলৈ সক্ষম হয় ৷
