আফগানিস্তানত পুণৰ গৃহযুদ্ধৰ উকমুকনি আৰম্ভ হৈছে ৷ তালিবানে ক্ষমতা দখল কৰাৰ চাৰিদিনৰ পাছতেই সংগঠনটোৰ বিৰুদ্ধে একত্ৰিত হ’বলৈ ধৰিছে বহু লোক ৷ পূৰ্বৰে পৰা তালিবানৰ বিৰুদ্ধে যুঁজ দি অহা আহমদ শ্বাহ মাছুদৰ পুত্ৰ আহমদ মাছুদে তালিবানৰ বিৰুদ্ধে মুকলি বিদ্ৰোহ ঘোষণা কৰিছে ৷তেও তালিবানৰ বিৰুদ্ধে যুঁজিবলৈ বিশ্বৰ আন দেশৰ পৰাও সহায় বিচাৰিছে ৷আহমদ মাছুদে কয় –‘মুজাহিদীন যুঁজাৰুসকল আকৌ এবাৰ তালিবানৰ বিৰুদ্ধে যুঁজিবলৈ সাজু হৈছে ৷আমাৰ ওচৰত বৃহৎ পৰিমানৰ গুলী- বাৰুদ জমা আছে ৷’আই এন আৰ এফৰ নেতা আহমদ মাছুদে নিজৰ পিতৃৰ অনুকৰণেৰে তালিবানৰ বিৰুদ্ধে যুঁজি যাব বুলি ঘোষণা কৰিছে ৷ সেনাৰ বহু জোৱানো আহমদ মাছুদৰ লগত আছে বুলি তেও দাবী কৰে ৷
