দ্য ক্ৰছকাৰেন্ট আৰু দ্য ৱায়াৰ যৌথ অনুসন্ধানত ফাদিল হৈছিল ৰিনিকি ভূঞা শর্মাই প্ৰতিষ্ঠা কৰা ভূমি কেলেংকাৰিৰ বিস্ফোৰক তথ্য৷অসমৰ ইতিহাসৰ এই সর্ববৃহৎ ভূমি কেলেংকাৰিৰ বাতৰি অসমৰ সর্বস্তৰৰ ৰাইজৰ মাজলৈ লৈ যাবলৈ দ্য ক্ৰছকাৰন্টৰ দৰে সৰু সাংবাদ মাধ্যমেই পর্যাপ্ত নহয়৷সেইবাবেই এইক্ষেত্ৰত প্ৰয়োজন আছিল অসমৰ মূলসূতিৰ সংবাদ মাধ্যম সমূহৰ গুৰুত্বপূর্ণ ভূমিকা৷কিন্তু পৰিতাপৰ কথা এয়েহে,যে অসমৰ ইতিহাসৰ সর্ববৃহৎ ভূমি কেলেংকাৰিটো ৰাইজৰ মাজলৈ লৈ যোৱাৰ বিপৰীতে একাংশ ব্যস্ত হল এটা বাতৰিক কলিতেই হত্যা কৰাৰ প্ৰচেষ্টাত৷তাৰপিছতো ৰাইজৰ মাজত ৰহস্য হৈ থাকিল এটা প্ৰশ্ন- অসমৰ মূলসূতিৰ সংবাদ মাধ্যমত কিয় প্ৰচাৰ নহল ভূমি কেলেংকাৰিৰ বাতৰি?সেই প্ৰশ্নটোৰেই এতিয়া ৰহস্য ফাদিল হৈছে৷ৰহস্য ফাদিল হৈছে ৰাষ্ট্ৰীয় সংবাদ মাধ্যম নিউজলণ্ডীৰ এক প্ৰতিবেদনত।
ৰাষ্টীয় সংবাদ মাধ্যম নিউজলন্দ্ৰীত প্ৰকাশ পাইছে এক প্ৰতিবেদন৷শিৰোনামা-অসমৰ মূলসূতিৰ সংবাদ মাধ্যমে কিয় পৰিবেশন নকৰিলে মুখ্যমন্ত্ৰীৰ পৰিয়াল জৰিত থকা ভূমি কেলেংকাৰিৰ বাতৰি৷নিউজলন্দ্ৰীৰ প্ৰতিবেদনত লিখা হৈছে,দ্য ক্ৰছকাৰেন্ট আৰু দ্য ৱায়াৰে ৮ ডিচেম্বৰত মুখ্যমন্ত্ৰীৰ পৰিয়াল জৰিত থকা এটা ভুমি কেলেংকাৰিৰ বাতৰি প্ৰকাশ কৰিছিল৷অসম ভিত্তিক পর্টেল দ্য ক্ৰছকাৰেন্টে ভূমি কেলেংকাৰি সন্দর্ভত অনুসন্ধান চলালেও,এই বাতৰিটো আতৰি আছে অসমৰ মূলসূতিৰ সংবাদ মাধ্যমৰ পৰা৷নিউজলন্দ্ৰীত প্ৰকাশ পাইছে,যে দ্য চেন্টিনেলে এই সম্পর্কীয় এটা বাতৰি প্ৰকাশ কৰিছে৷কিন্তু তাত কেবল মুখ্যমন্ত্ৰী হিমন্ত বিশ্ব শর্মাই দ্য ৱায়াৰক বাওপন্থী আখ্যা দিয়া উক্তিটোহে প্ৰকাশ কৰা হৈছে৷
এই সন্দর্ভত নিউজলন্দ্ৰীয়ে অসমৰ কেইবাজনো সাংবাদিকৰ লগত বার্তালাপ কৰিছিল৷বার্তালাপত বহুকেইজন সাংবাদিকে ব্যক্ত কৰে,যে তেওলোকক কাকত অথবা চেনেলৰ স্বত্বাধীকাৰিয়ে জনাইছে,যে যদিহে তেওলোকে বাতৰিটো প্ৰচাৰ কৰে তেন্তে তেওলোকৰ ওপৰত চৰকাৰে মানহানি গোচৰ তৰিব৷
অন্যহাতে আন এজন জেষ্ঠ্য সাংবাদিকে বাতৰিটো পৰিবেশন নকৰাৰ আৰত অসমৰ সংবাদ মাধ্যম সমূহৰ উপার্জনৰ কথা লুকাই আছে বুলি নিউজলন্দ্ৰীক অবগত কৰে৷জেষ্ঠ্য সাংবাদিকজনে নিউজলন্দ্ৰী ক কয়,যে অসমৰ ৯০ শতাংশ সংবাদ মাধ্যমেই চৰকাৰী বিজ্ঞাপনৰ ওপৰত নিভৰশীল৷সেইবাবেই চৰকাৰখন সংবাদ মাধ্যমৰ প্ৰশ্নৰ পৰা আতৰি থাকিব পাৰিছে৷লকডাউনৰ পিছত সংবাদ মাধ্যম সমূহে ২০ ৰ পৰা ৩০ শতাংশ দৰমহা কর্তন কৰিছে৷সেইবাবেই এই বাতৰি পৰিবেশন কৰাত অসুবিধাৰ সৃষ্টি হৈছে৷
জেষ্ট্য সাংবাদিকজনে নিউজলন্দ্ৰীক এই কথাও কয় ,যে দ্য ক্ৰছকাৰেন্ট আৰু দ্য ৱায়াৰৰ উপাজর্নৰ পদ্ধতি বেলেগ,তেওলোকৰ কাম কৰাৰ পথো সুকীয়া৷আনহাতে এই বাতৰি পৰিবেশন কৰাৰ পিছত আইনী জাননীও প্ৰেৰণ কৰা হৈছে দ্য ৱায়াৰৰলৈ৷কিন্তু এই কথা স্থানীয় সংবাদ মাধ্যমৰ বাবে শংকাৰ কাৰণ৷সেইবাবেই কোনো সংবাদ মাধ্যমে এই ঘটনাত সোমাব বিচৰা নাই৷
আনহাতে নিউজলন্দ্ৰীয়ে দ্য চেন্টিনেল,আমাৰ অসম,অসমীয়া প্ৰতিদিন,ডি য়াই365,প্ৰতিদিন টাইম,প্ৰাগ নিউজ,নিউজ18 নর্থ ইষটত ভূমি কেলেংকাৰিৰ বাতৰি প্ৰচাৰ নোহোৱাৰ কথা উল্লেখ কৰিছে৷এই সমূহ সংবাদ মাধ্যমৰ পৰা প্ৰতিক্ৰিয়া গ্ৰহন কৰিব পৰা নগল বুলি নিউজলন্দ্ৰীয়ে প্ৰতিবেদনত উল্লেখ কৰিছে৷
- Donation -
উল্লেখনীয় যে অসম বিধানসভাৰ প্ৰথমটো ডিনত বিৰোধীয়ে সদনত ভূমি কেলেংকাৰি প্ৰসংগ উত্থাপন কৰিছিল৷ইয়াৰ পিছতে উত্তাল হৈছিল সদন৷দহ মিনিটৰ বাবে স্থগিতও হৈছিল সদন৷কিন্তু সেইবাতৰি গুৰুত্বসহকাৰে দ্য চেন্টিনেল,আমাৰ অসম,অসমীয়া প্ৰতিদিন কাকতত ষ্পষ্টকৈ প্ৰকাশ নহল বুলি উল্লেখ কৰিছে নিউজলন্দ্ৰীয়ে৷আনহাতে অখিল গগৈৰ এটা উদ্ধিতি দি,নিউজলন্দ্ৰীৰ প্ৰতিবেদনত কোৱা হৈছে যে,সদনত ভূমি কেলেংকাৰি উত্থাপনৰ সময়খিনিৰো সংবাদ মাধ্যমত লাইভ সম্প্ৰচাৰ নহল৷
উল্লেখনীয় যে আচাম ট্ৰিবিউনত এই সম্পর্কত প্ৰকাশিত বাতৰিত ভূমি কেলেংকাৰিৰ লগত মুখ্যমন্ত্ৰী পৰিয়ালৰ সম্পর্কৰ কথা কোৱা নহল বুলি উল্লেখ কৰিছে নিউজলন্দ্ৰীয়ে৷ৰাইজৰ দল আৰু অসম জাতীয় পৰিষদৰ এই সম্পর্কীয় সংবাদ মেলো মূলসূতিৰ সংবাদ মাধ্যমত প্ৰচাৰ নোহোৱাৰ কথা উল্লেখ কৰা হৈছে একেই প্ৰতিবেদনত৷
নিউজলন্দ্ৰীৰ এই প্ৰতিবেদনত কোৱা হৈছে যে,সদন স্থগিতৰ বাতৰি পৰিবেশন কৰা নিউজ18 নর্থ ইষ্ট,প্ৰাগ নিউজ আৰু ডি য়াই 365 য়ে ভূমি কেলেংকাৰিত মুখ্যমন্ত্ৰীৰ পৰিয়াল জৰিত থকাৰ কথা উল্লেখ কৰা নহল৷
উল্লেখনীয় যে দ্য ক্ৰছকাৰেন্ট আৰু দ্য ৱায়াৰৰ যৌথ অনুসন্ধানৰ পিছত ৮ ডিচেম্বৰত সংবাদ মাধ্যম দুটাই ফাদিল কৰিছিল মুখ্যমন্ত্ৰীৰ পত্নীয়ে প্ৰতিষ্ঠা কৰা কোম্পানীয়ে সংঘটিত কৰা ভূমি কেলেংকাৰিৰ তথ্য৷এই তথ্য ফাদিলৰ পিছতেই ৰাজ্যত সৃষ্টি হৈছিল ধুমূহাৰ৷কিন্তু ৰহস্যজনক ভাবে অসমৰ মূলসূতিৰ সংবাদ মাধ্যম আতৰি থাকিল এই বাতৰি পৰিবেশনৰ পৰা৷অসমৰ মূল সূতিৰ সংবাদ মাধ্যমৰ এই ভূমিকাক লৈও ৰাজ্যবাসীৰ মাজত অব্যাহত আছে প্ৰতিক্ৰিয়া৷
