আফ্ৰিকান লেখক ডেমন গেলগুটলৈ আগবঢ়োৱা হৈছে বুকাৰ বঁটা ৷ ‘দ্য প্ৰমিজ ‘ শীৰ্ষক উপন্যাসৰ বাবে তেওলৈ এই সন্মান প্ৰদান কৰা হৈছে ৷ বুকাৰ বঁটা লাভ কৰা তেও হৈছে দক্ষিণ আফ্ৰিকাৰ তৃতীয়গৰাকী সাহিত্যিক ৷ ইয়াৰ পূৰ্বেও ডেমন গেলগুটৰ ‘দ্য গুড ডক্টৰ’ আৰু ‘ইন এ ষ্ট্ৰেঞ্জৰুম’ বুকাৰৰ বাবে তালিকাভুক্ত হৈছিল যদিও বাচনিত উঠা নাছিল ৷ ‘দ্য প্ৰমিজ’ শীৰ্ষক উপন্যাসখনত তেও এখন কৃষি পামত কৰ্মৰত এটা শ্বেতাংগ পৰিয়ালৰ কাহিনীৰ মাজেৰে দক্ষিণ আফ্ৰিকাৰ ৪০ বছৰৰ ইতিহাসক প্ৰতিফলিত কৰিছে ৷
ডেমন গেলগুটৰ পূৰ্বে দক্ষিণ আফ্ৰিকাৰ নাডিন গাৰ্ডিমাৰে ১৯৭৪ চনত আৰু জে এম কোৱাটজিয়ে ১৯৮৩ আৰু ১৯৯৯ চনত দুবাৰকৈ বুকাৰ বঁটা লাভ কৰিছিল ৷ বুকাৰ লাভৰ বাতৰি পোৱাৰ পাছতে ডেমন গেলগুটে কয় যে এয়া আফ্ৰিকান লেখকসকলৰ বাবে এটা সফল বৰ্ষ ৷
