মীৰাবাঈ চানু৷ টকিঅ’ত অনুষ্ঠিত হৈ থকা অলিম্পিকৰ পৰা ভাৰতৰ হৈ প্ৰথমটো মেডেল লাভ কৰিলে মীৰাবাঈ চানু৷ মীৰাবাঈ চানু এতিয়া কেৱল মনিপুৰ অথবা উত্তৰ-পূর্বৰ বাবেই গৌৰৱ নহয়,গৌৰৱ সমগ্ৰ দেশৰ বাবে৷ কিন্তু দেশৰ বাবে গৌৰৱত পৰিণত হোৱা মীৰাবাঈ চানু এই সফলতাৰ বাবে কাৰ ওচৰত আটাইতকৈ বেছি কৃতজ্ঞ হৈ ৰৈছে আপুনি জানেনে?
মীৰাবাঈ চানু মনিপুৰৰ নাংপোক কাকচিং গাওৰ বাসিন্দা৷ গাওৰ পৰা ইম্ফলত অৱস্থিত Sports Academy লৈ দূৰত্ব প্ৰায় ২৫ কিলোমিটাৰ৷উন্নত যোগাযোগ ব্যৱস্থাৰ অভাৱত প্ৰত্যেকদিনে ২৫ কিলোমিটাৰৰ দূৰৰ Sports Academy লৈ অহা যোৱা কৰাটো এটা ডাঙৰ সমস্যাত পৰিণত হৈছিল মীৰাবাঈ চানুৰ বাবে৷ কিন্তু সেই সময়ত মীৰাবাঈ চানুৰ ওচৰত সহায়ৰ একমাত্ৰ সম্বল হৈ থিয় দিছিল ট্ৰাক ড্ৰাইভাৰ সকলে৷
- Donation -
মীৰাবাঈ চানুৰ গাওৰ কাষৰীয়া নদী সমূহৰ পৰা বালি কঢ়িওৱা ট্ৰাক সমূহৰ অহা যোৱা চলে ইম্ফললৈ৷সেই সমূহ ট্ৰাকত উঠিয়েই প্ৰতিদিনে ইম্ফলৰ Sports Academy লৈ অহা যোৱা কৰে মীৰাবাঈ চানুৱে৷ ট্ৰাকত উঠি প্ৰত্যেকদিনে Sports Academy লৈ যোৱা মীৰাবাঈ চানু ফ্লাইটত উঠি টকিঅ’লৈ গ’ল৷ অর্জন কৰিলে মেডেল,অর্জন কৰিলে গৌৰৱ৷ কিন্তু পাহৰি নগল সেই সকল ট্ৰাক ড্ৰাইভাৰক৷
ট্ৰাক ড্ৰাইভাৰসকলক কৃতজ্ঞতা জনাই বৃহষ্পতিবাৰে সাক্ষাৎ কৰিলে মীৰাবাঈ চানুৱে৷ কৃতজ্ঞতাৰ চিন স্বৰুপে খাদ্যসহ একোটাকৈ চার্ট আৰু এখনকৈ মনিপুৰি স্কার্ফেৰে সন্মান যাছিলে ১৫০ জনকৈ ট্ৰাক ড্ৰাইভাৰক৷
সফলতা লাভৰ পিছত বহুতেই বহুতক পাহৰি যায়৷বহুতেই কয়,লংকালৈ গলে সকলো ৰাৱন হয়৷ মীৰাবাঈ চানু তাৰ উর্ধত৷ সেইবাবেই আজিও সেইসকল ট্ৰাক ড্ৰাইভাৰৰ ওচৰত কৃতজ্ঞ হৈ ৰল মীৰাবাঈ চানু৷
