নৰেন শইকীয়া
কাৰ্বি আংলঙ জিলাৰ অসম-নাগালেণ্ড সীমান্তৰ লাহৰিজানত পুণৰ আৰম্ভ হৈছে তৃতীয়টো উচ্ছেদ অভিযান ৷ ইতিমধ্যে কাৰবি আংলং স্বায়ত্তশাসিত পৰিষদৰ অধীনত লাহৰিজানত চলিছিল দুটাকৈ উচ্ছেদ অভিযান ৷ ২০ আৰু ২৪ ডিচেম্বৰত লাহৰিজানত চলিছিল অভিযান ৷ আজি পুৱাৰে পৰা লাহৰিজানৰ খান বস্তিত উচ্ছেদ অভিযানৰ বাবে প্ৰশাসন সাজু হৈ পৰা পৰিলক্ষিত হৈছিল ৷ ন্যায়লয়ৰ নিৰ্দেশ অনুসৰি ৩৪টা ঘৰত প্ৰশাসনে উচ্চেদ অভিযান স্থগিত ৰাখিব, বাকী অবৈধ ভাবে বসবাস কৰা ১০০ টা ঘৰত উচ্ছেদ অভিযান আৰম্ভ কৰিছে ৷ কাৰবি আংলং জিলাৰ উপায়ুক্ত দিবাকৰ নাথ, আৰক্ষী অধীক্ষক পুষ্পৰাজ সিনহাৰ নেতৃত্বত নিৰাপত্তাৰক্ষী, আৰক্ষীৰ দলৰ সহযোগত কাৰবি আংলং স্বায়ত্তশাসিত পৰিষদে বুল ড্ৰেজাৰ আৰু জেচিবিলৈ উচ্ছেদ অভিযান আৰম্ভ কৰিছে ৷ উচ্ছেদস্থলীত ৰাইজে প্ৰতিবাদ সাব্যস্ত কৰা দেখা গৈছে ৷