ছমাহ পৰ্যন্ত সম্প্ৰসাৰণ নহয় ড: হিমন্ত বিশ্ব শৰ্মাৰ মন্ত্ৰীসভা ৷ আজি এই কথা স্পষ্ট কৰিছে খোদ মুখ্যমন্ত্ৰীগৰাকীয়ে ৷ মুখ্যমন্ত্ৰী ড: শৰ্মাই কয় যে বৰ্তমান মন্ত্ৰীসভাৰ সম্প্ৰসাৰণৰ কথা ভবা নাই ৷ বৰ্তমান টীম এটাই কাম কৰি আছে ৷ এটা বছৰ হৈ যাওক , তাৰ পাছত মন্ত্ৰীসভাৰ সম্প্ৰসাৰণৰ কথা ভবা হ’ব ৷
মুখ্যমন্ত্ৰী ড: হিমন্ত বিশ্ব শৰ্মাৰ এই ঘোষণাৰ লগে লগে বহু বিজেপি বিধায়কৰ আশাত চেচা পানী পৰিল ৷ বহুকেইজন জে্যষ্ঠ বিধায়কে আশা কৰি আছিল যে সোণকালেই ড: হিমন্ত বিশ্ব শৰ্মাৰ মন্ত্ৰীসভাৰ সম্প্ৰসাৰণ হ’ব আৰু তেওলোকৰ বাবে মন্ত্ৰিত্বৰ দুৱাৰ মুকলি হ’ব ৷ কিন্তু মুখ্যমন্ত্ৰীগৰাকীয়ে আজি স্পষ্ট কৰি দিলে যে অন্তত: ছমাহলৈ মন্ত্ৰীসভাৰ কোনো সম্প্ৰসাৰণ নহয় ৷
বিগত ১০ মে’ত শপত গ্ৰহণ কৰিছিল হিমন্ত বিশ্ব শৰ্মা নেতৃত্বাধীন অসম চৰকাৰে ৷