সুধাকণ্ঠ ড: ভূপেন হাজৰিকাৰ আজি দশম মৃত্যুবাৰ্ষিকী ৷ সমগ্ৰ ৰাজ্যই প্ৰবাদপ্ৰতীম শিল্পীগৰাকীক আজি শ্ৰদ্ধাৰে সুঁৱৰিছে ৷ সদৌ অসম ছাত্ৰ সন্থাই মহানগৰীৰ দীঘলীপুখুৰীৰ পাৰত থকা সুধাকণ্ঠৰ প্ৰতিমূৰ্তিত দিনযোৰা কাৰ্যসূচীৰে শ্ৰদ্ধাঞ্জলি কাৰ্যসূচীৰ আয়োজন কৰিছে ৷ সন্ধিয়া কৈলাস ৰাভা আৰু তেওৰ শিল্পীৰ দলে ছেক্স’ফোনৰ এক বিশেষ সংগীতানুষ্ঠানেৰে শিল্পীগৰাকীলৈ শ্ৰদ্ধা নিবেদন কৰিব ৷ ইফালে , জালুকবাৰীৰ সুধাকণ্ঠৰ সমাধিক্ষেত্ৰতো ৰাজ্য চৰকাৰৰ সাংস্কৃতিক পৰিক্ৰমা বিভাগৰ উদ্যোগত শ্ৰদ্ধাঞ্জলি অনুষ্ঠানৰ আয়োজন কৰা হৈছে ৷ অনুৰূপধৰণে সমগ্ৰ ৰাজ্যবাসীয়ে আজি মৃত্যুদিৱসৰ দিনটোত সুধাকণ্ঠ ড: ভূপেন হাজৰিকাক শ্ৰদ্ধাৰে স্মৰণ কৰিছে ৷