এটা নতুন বছৰৰ আৰম্ভণিত আমিও এক নতুন যাত্ৰাৰ পাতনি মেলিব বিচাৰিছো ৷ অধিক পৰিসৰত , অধিক বিস্তৃত ৰূপত আমাৰ দৰ্শক , পঢ়ুৱৈৰ বাবে নিৰ্বাচিত খবৰ আগবঢ়াই দিয়াৰ পৰিকল্পনা হাতত লৈছো ৷ এই পৰিকল্পনাক সাকাৰ ৰূপ দিবলৈ আমাক প্ৰয়োজন এদল দায়বদ্ধ সাংবাদিকৰ ৷ সেইবাবেই অসমৰ প্ৰতিখন নগৰ- চহৰ , প্ৰতিখন গাও , প্ৰতিখন মহাবিদ্যালয় – বিশ্ববিদ্যালয়ত আমাৰ প্ৰতিনিধি নিয়োগ কৰিব বিচাৰিছো ৷ যাতে অসমৰ সকলো প্ৰান্তৰ সকলো নিৰ্বাচিত খবৰেই আমাৰ দৰ্শক- পঢ়ুৱৈয়ে লাভ কৰিব পাৰে ৷ আমাৰ প্ৰতিনিধিসকল আমি কেনেকুৱা হোৱাটো বিচাৰো –
• আমাক অভিজ্ঞতা নালাগে ৷ আমাক লাগে প্ৰতিভাৱান , সৎ আৰু জনসাধাৰণৰ প্ৰতি দায়বদ্ধ সাংবাদিক ৷
• অসম আৰু ভাৰতৰ দিন প্ৰতিদিনৰ ৰাজনৈতিক পৰিক্ৰমা সন্দৰ্ভত জ্ঞান থকা যিকোনো যোগ্য লোকেই আমাৰ সাংবাদিক হ’ব পাৰিব ৷
• বিশ্ববিদ্যালয় – মহাবিদ্যালয়ৰ সৎ , নিৰ্ভীক , প্ৰতিভাৱান ছাত্ৰ- ছাত্ৰীসকল – যিয়ে সাংবাদিকতাৰ জড়িয়তে সমাজৰ বিকাশত অৰিহনা যোগাব বিচাৰে , তেওলোকৰ প্ৰতি আমি বিশেষভাৱে আগ্ৰহী ৷
• অসমীয়া বা ইংৰাজী ভাষাত দখল অত্যন্ত জৰুৰী ৷ ভালদৰে অসমীয়া বা ইংৰাজী ক’ব পৰা আৰু লিখিব পৰা লগতে স্পষ্ট কণ্ঠস্বৰৰ লোকক আমি আমাৰ মুখ্য কাৰ্যালয়ত নিয়োগ কৰিব বিচাৰো ৷
• যদি আপুনিও আমাৰ সৈতে জড়িত হ’বলৈ আগ্ৰহী তেনেহ’লে আপোনাৰ শিক্ষাগত অৰ্হতা আৰু যিকোনো এটা বাতৰি ২৫০ টা শব্দৰ ভিতৰত লিখি আমালৈ প্ৰেৰণ কৰক ৷
• আপুনি এজন সাংবাদিক হিচাপে কেনেধৰণৰ বাতৰি আমাৰ বাবে যুগুতাব বিচাৰে সেয়াও জনাব পাৰে ৷