অলিম্পিকৰ পদক বিজয়ী বক্সাৰ লাভলীনা বৰগোহাঁইক অসম আৰক্ষীৰ ডি এছ পিৰ চাকৰি গ্ৰহণ কৰিবলৈ আহ্বান জনাইছে মুখ্যমন্ত্ৰী ড: হিমন্ত বিশ্ব শৰ্মাই ৷ আজি শ্ৰীমন্ত শংকৰদেৱ কলাক্ষেত্ৰত আয়োজিত সম্বৰ্ধনা অনুষ্ঠানত মুখ্যমন্ত্ৰীয়ে ক্ৰীড়াবিদগৰাকীক ১ কৌটি টকাৰ এখন চেকো প্ৰদান কৰে ৷ লগতে তেওলৈ আগবঢ়াইছে এক বিশেষ জলপানি ৷ লাভলীনাক পেৰিছ অলিম্পিকৰ প্ৰস্তুতি চলাবলৈ অসম চৰকাৰে মাহে ১ লাখকৈ টকাৰ এই জলপানি প্ৰদান কৰিব ৷ একেসময়তে লাভলীনাৰ নামেৰে গুৱাহাটীৰ এটা পথৰো নামাকৰণ কৰা হ’ব ৷ অদুপৰি লাভলীনাৰ চাৰিগৰাকী প্ৰশিক্ষককো অসম চৰকাৰে ১০ লাখকৈ টকা প্ৰদান কৰিব ৷