ক্ৰিপ্তোকাৰেন্সিত বিনিয়োগ কৰি আপুনিও লাখপতি বা কৌটিপতি হোৱাৰ সপোন দেখিছিল নেকি ? যদি দেখিছিল , আপোনাৰ বাবে আছে এটা দু:সংবাদ ৷ ডিজিটেল মুদ্ৰাৰ অপব্যৱহাৰ ৰোধ কৰিবলৈ কেন্দ্ৰীয় চৰকাৰে নতুন আইন প্ৰণয়নৰ কথা চিন্তা কৰিছে ৷ অহা শীতকালীন অধিৱেশনতে এই সংক্ৰান্তীয় বিল ‘দ্য ক্ৰিপ্তোকাৰেন্সি এণ্ড ৰেগুলেশ্যন অৱ অফিচিয়েল ডিজিটেল কাৰেন্সি বিল,২০২১’ গৃহীত হ’ব পাৰে ৷এই বাতৰি প্ৰকাশৰ লগে লগে ডিজিটেল মুদ্ৰাৰ দাম অভাৱনীয়ভাৱে হ্ৰাস পাবলৈ আৰম্ভ কৰিছে ৷ একেবাৰতে ১৫ শতাংশ পৰ্যন্ত সকলো ডিজিটেল মুদ্ৰাৰ দামৰ পতন ঘটিছে ৷ বিটকইনৰ দাম ১৮.৫৩ শতাংশ , এথেৰিয়ামৰ দাম ১৫.৫৮ শতাংশ আৰু টেথাৰৰ দাম ১৮.২৯ শতাংশ কমিছে ৷