মঙলবাৰে পশ্চিমবংগৰ মুখ্যমন্ত্ৰী মমতা বেনাৰ্জীয়ে সাক্ষাৎ কৰিব কংগ্ৰেছ সভানেত্ৰী ছোনিয়া গান্ধীক ৷ মূলত: ২০২৪ৰ লোকসভা নিৰ্বাচন কেন্দ্ৰিক আলোচনাৰ বাবেই তেওলোক আলোচনাত মিলিত হ’ব ৷ কিন্তু তাৰ পূৰ্বে আন এক ৰাজনৈতিক লোকচানৰ সন্মুখীন হৈছে কংগ্ৰেছ দল ৷ দলটোৰ বিহাৰৰ নেতা কীৰ্তি আজাদে কংগ্ৰেছ এৰি যোগদান কৰিব তৃণমূল কংগ্ৰেছত ৷ এইগৰাকী কীৰ্তি আজাদ বিজেপিৰ প্ৰাক্তন সাংসদ আছিল ৷ ২৬ বছৰ বিজেপিত ৰাজনৈতিক পৰিক্ৰমা অতিক্ৰম কৰাৰ পাছত ৩ বছৰ পূৰ্বে তেও যোগ দিছিল কংগ্ৰেছ দলত ৷ কিন্তু বিহাৰত কংগ্ৰেছৰ ভৱিষ্যতক লৈ সন্দিহান হৈ তেও যোগ দিব তৃণমূল কংগ্ৰেছত ৷ কীৰ্তি আজাদৰ পিতৃ ভগৱৎ ঝা আজাদ বিহাৰৰ প্ৰাক্তন মুখ্যমন্ত্ৰী আছিল ৷