বাতিল কৃষি আইন , তাৰ পাছতো আন্দোলনত অটল কিয় কৃষক ?

অৱশেষত কৃষক সমাজৰ ওচৰত শিৰণত কৰিলে নৰেন্দ্ৰ মোদী নেতৃত্বাধীন কেন্দ্ৰীয় চৰকাৰখনে ৷ বিগত প্ৰায় এবছৰ ধৰি অব্যাহত আছিল কৃষক আন্দোলন ৷ দাবী আছিল – বিতৰ্কিত কৃষি আইন প্ৰত্যাহাৰ কৰা ৷ কিন্তু আকোৰগোজ স্থিতি গ্ৰহণ কৰিছিল কেন্দ্ৰীয় চৰকাৰে ৷ তাৰ পাছতো আন্দোলনৰ পথত অটল হৈ থাকিল কৃষক সংগঠনসমূহ ৷ এনেদৰে এটা বছৰ ধাৰবাহিক আন্দোলন চলাই চিয়াৰ পাছত শুকুৰবাৰে তিনি কৃষি আইন প্ৰত্যাহাৰৰ কথা ঘোষণা কৰে প্ৰধানমন্ত্ৰী নৰেন্দ্ৰ মোদীয়ে ৷
মোদীৰ আক্ষেপ- ‘আমাৰ উদ্দেশ্য সৎ আছিল ৷ কিন্তু কৃষি আইনৰ সুফলৰ কথা আমি কৃষকসকলক বুজাব নোৱাৰিলো ৷’কৃষকসকলক উদ্দেশ্যি তেও ক’লে – এয়া কাকো দোষাৰোপ কৰাৰ সময় নহয় ৷ একেলগে নতুনকৈ আৰম্ভ কৰাৰ সময় ৷
কৃষি আইন বাতিলৰ কথা ঘোষণা কৰাৰ পাছতো আন্দোলনৰ পথত অটল হৈ আছে কৃষক সংগঠনসমূহ ৷ সংসদত কৃষি আইন বাতিলৰ পাছতহে তেওলোকে আন্দোলন প্ৰত্যাহাৰ কৰিব বুলি ঘোষণা কৰিছে ৷