২০২২ চনত অনুষ্ঠিত হ’ব পাঁচখন ৰাজ্যৰ বিধানসভা নিৰ্বাচন ৷২০২৪ ৰ লোকসভা নিৰ্বাচনৰ পূৰ্বে এয়া ছেমিফাইনেল হিচাপে বিবেচিত হৈছে ৷ তাতে ৮০ খন লোকসভাৰ আসন থকা উত্তৰ প্ৰদেশৰো বিধানসভা নিৰ্বাচন অনুষ্ঠিত হ’ব ৷ সেইবাবেই পাঁচ ৰাজ্যৰ বিধানসভা নিৰ্বাচন শাসক – বিৰোধী উভয়ৰ বাবে অতি গুৰুত্বপূৰ্ণ হৈ পৰিছে ৷ কিন্তু শেহতীয়াকৈ প্ৰকাশিত এটা সমীক্ষা অনুসৰি নিৰ্বাচন অনুষ্ঠিত হ’বলগীয়া ৫ ৰাজ্যৰ ভিতৰত চাৰিখনতেই বিজেপি শাসনলৈ অহাৰ সম্ভাৱণা আছে ৷
এবিপি নিউজ – চি ভোটাৰৰ সমীক্ষা অনুসৰি উত্তৰ প্ৰদেশত ২৫৯-২৬৩ খন আসনেৰে পুণৰ শাসনলৈ আহিব পাৰে বিজেপি ৷ ইয়াৰ বিপৰীতে সমাজবাদী পাৰ্টীয়ে লাভ কৰিব পাৰে ১০৯-১১৭ খন আসন ৷
সমীক্ষা অনুসৰি উত্তৰাখণ্ডত বিজেপিয়ে ৪৪-৪৮ খন আসন লাভ কৰাৰ বিপৰীতে কংগ্ৰেছ ১৯-২৩ খন আসনতে সীমাবদ্ধ থাকিব পাৰে ৷
পঞ্জাৱত ৫১-৫৭ খন আসন লাভেৰে আম আদমী পাৰ্টী ক্ষমতালৈ অহাৰ সম্ভাৱণা ব্যক্ত কৰা হৈছে ৷ ইয়াৰ বিপৰীতে শাসনাধিষ্ঠিত কংগ্ৰেছে লাভ কৰিব পাৰে ৩৮-৪৬ খন আসন ৷
গোৱাত আকৌ এবাৰ ২২-২৬ খন আসন লাভেৰে বিজেপিয়ে ক্ষমতা দখল কৰিব পাৰে ৷ আনহাতে , কংগ্ৰেছে ৩-৭ , আপে ৪-৮ খন আসনত জয়লাভ কৰাৰ সম্ভাৱণা আছে ৷