পশ্চিমবংগৰ নিৰ্বাচনোত্তৰ হিংসা সন্দৰ্ভত ৰাষ্ট্ৰীয় মানৱ অধিকাৰ আয়োগৰ প্ৰতিবেদনক লৈ আৰম্ভ হৈছিল ৰাজনৈতিক যুদ্ধ ৷ তৃণমূলে উত্থাপণ কৰিছিল পক্ষপাতিত্বৰ অভিযোগ ৷ কিন্তু বুধবাৰে আয়োগৰ প্ৰতিবেদন মানিয়েই হিংসাত্মক ঘটনাৰ তদন্তৰ নিৰ্দেশ দিলে কলকাতা উচ্চতম ন্যায়ালয়ে ৷ আদালতৰ পৰ্যবেক্ষণ – আয়োগৰ প্ৰতিবেদনত নিৰপেক্ষতাৰ উলংঘণ হোৱা নাই ৷তেওলোকে মাত্ৰ অভিযোগসমূহ নথিভুক্ত কৰিছে ৷
মানৱ অধিকাৰ আয়োগে দিয়া প্ৰতিবেদনত হত্যা , ধৰ্ষণৰ দৰে গুৰুতৰ অভিযোগ উল্লেখ কৰা হৈছিল ৷আয়োগে লগতে এই ঘটনাৰ তদন্তৰ বাবে বিশেষ তদন্তকাৰী গোট গঠনৰো পোষকতা কৰিছিল ৷এই চুপাৰিশক মান্যতা দি আদালতে তিনিগৰাকী আই পি এছ বিষয়াক লৈ এক বিশেষ তদন্তকাৰী গোট গঠন কৰিছে ৷ অৱসাৰপ্ৰাপ্ত ন্যায়াধীশৰ নিৰীক্ষণত এইতদন্ত হ’ব ৷ ছয় সপ্তাহৰ ভতৰত চিবি আই আৰু এছ আই টিক তদন্তৰ প্ৰতিবেদন দাখিলৰ নিৰ্দেশ দিছে উচ্চতম ন্যায়ালয়ে ৷