বিশ্ববাসী আহ্বান আবেদন নেওচি ইউক্ৰেইনৰ ওপৰত আক্ৰমণ অব্যাহত ৰাখিছে ৰাছিয়াই ৷ যুদ্ধত কোনোবাই বাধা দিব বিচাৰিলেই যিকোনো পৰিস্থিতিলৈ যোৱাৰ হুংকাৰ দিছে ৰাছিয়াৰ ৰাষ্ট্ৰপতি ব্লাডিমিৰ পুটিনে ৷
সমগ্ৰ বিশ্বক আতংকগ্ৰস্থ কৰি ৰখা কোন এই ব্লাডিমিৰ পুটিন ?
১৯৪৪ চন ৷ দ্বিতীয় বিশ্বযুদ্ধ চলি আছে ৷ সাময়িক বিৰতি লৈ ঘৰলৈ উভতিছে ৰুছ সৈনিক ব্লাডিমিৰ স্পিৰিদোনোভিচ ৷ ঘৰৰ সন্মুখত দেখিবলৈ পালে শাৰী শাৰী মৃতদেহ ৷ এটা মৃতদেহৰ কাষত পৰি ৰোৱা এপাত জোতা দেখি শোকবিহ্বল হৈ পৰিল স্পিৰিদোনোভিচ ৷
এগৰাকী মহিলাৰ কাষত পৰি ৰোৱা জোতাপাত আছিল তেওৰ পত্নী মাৰিয়া পুতিনাৰ ৷ হুকহুকাই কান্দিবলৈ ল’লে স্পিৰিদোনোভিচে ৷ কিন্তু পথত পৰি ৰোৱা পত্নীৰ দেহ কোলাত তুলি লৈ আনন্দত আত্মহাৰা হৈ পৰিল স্পিৰিদোনোভিচ ৷কাৰণ , পত্নীৰ হৃদস্পন্দন তেও অনুভৱ কৰিছে ৷ মানে মাৰিয়া তেতিয়াও জীয়াই আছে ৷
এই ঘটনাৰ ৮ বছৰ পাছত জন্ম হ’ল তেওলোকৰ এটি পুত্ৰ সন্তানৰ ৷ নাম ৰখা হ’ল ব্লাডিমিৰ ব্লাডিমিৰোভিচ পুটিন ৷ সৰুৰে পতা অত্যুৎসাহী ব্লাডিমিৰ লাহে লাহে আকৰ্ষিত হ’বলৈ ধৰিলে অপৰাধ জগতৰ প্ৰতি ৷ তাৰ পৰা হাত সৰাবলৈ পিতৃ মাতৃয়ে জুডো খেলৰ প্ৰশিক্ষণ দিবলৈ আৰম্ভ কৰিলে কিশোৰ পুটিনক ৷নিপুন জুডো আৰু কাৰাটে খেলুৱৈক গুপ্তচৰ সংস্থাত ভৰ্তি কৰাব বিচাৰিছিল ৰুছ চৰকাৰে ৷ ব্লাডিমিৰ পুটিনে এসময়ত যোগ দিলে নিজ দেশৰ গুপ্তচৰ বাহিনীত ৷সেয়া ১৯৭৫ চনৰ কথা ৷ ব্লাডিমিৰ পুটিনৰ বয়স তেতিয়া ২৩ বছৰ ৷১৯৯০ চন পৰ্যন্ত তেও গুপ্তচৰ সংস্থাত কাম কৰি যায় ৷
এসময়ৰ নিপুন গুপ্তচৰ ব্লাডিমিৰ পুটিন বৰ্তমান ৰাছিয়াৰ ৰাষ্ট্ৰপতি ৷