তালিবানৰ আগ্ৰাসনত যিসময়ত এজনৰ পাছত আনজন নেতাই দেশ এৰি পলাইছিল ,সেই সময়ত হাতত বন্দুক তুলি লৈছিল এগৰাকী মহিলা গভৰ্ণৰে ৷আফগানিস্তানৰ সেই মহিলা গভৰ্ণৰ ছালিমা মাজাৰি এতিয়া তালিবানৰ হাতত বন্দী ৷
আশ্ৰফ ঘানি চৰকাৰৰ আমোলত যি তিনিগৰাকী মহিলা গভৰ্ণৰে কাৰ্যনিৰ্বাহ কৰিছিল , তাৰ ভিতৰত অন্যতম আছিল ছালিমা মাজাৰি ৷ তালিবানে বিনা বাধাই ইখনৰ পাছত সিখন প্ৰদেশ দখল কৰিলেও ছালিমাই তেওৰ বলখ প্ৰদেশ সহজতে এৰি নিদিলে ৷ নিজে হাতত বন্দুক লৈ গঢ়ি তুলিলে প্ৰবল প্ৰতিৰোধ ৷
দুয়োপক্ষৰ মাজত তুমুল সংঘৰ্ষ হ’ল ৷ কিন্তু শেষ ৰক্ষা কৰিব নোৱাৰিলে ছালিমাই ৷ অৱশেষত বলখ প্ৰদেশৰ পতন ঘটিল ৷ ছালিমাৰ নিজৰ কিন্ট জিলাও দখল কৰিলে তালিবানে ৷আফগানিস্তানৰ ভিতৰত কিন্ট জিলাই আছিল একমাত্ৰ অঞ্চল য’ত কোনো জংগী বাহিনীয়ে কেতিয়াও দখল সাব্যস্ত কৰিব পৰা নাছিল ৷
জংগী তালিবান এতিয়া আফগানিস্তানৰ শাসনত৷ ছালিমা মাজাৰিও বন্দী তালিবানৰ হাতত ৷