আফগানিস্তানৰ অপসাৰিত ৰাষ্ট্ৰপতি আশ্ৰফ ঘানিৰ দুৰ্দশাৰ অন্ত নোহোৱা হৈছে ৷ ৰাষ্ট্ৰপতি পদৰ পৰা পদত্যাগ কৰাৰ পাছত তেও আশ্ৰয় বিচাৰি গৈছিল তাজিকিস্তানলৈ ৷ কিন্তু তাজিকিস্তানৰ পৰা আশ্ৰফ ঘানিৰ বিমান ওভতাই পঠিওৱা হৈছে ৷ সোমবাৰে অপসাৰিত ৰাষ্ট্ৰপতিগৰাকী উপস্থিত হৈছে ওমানত ৷ তাৰ পৰা তেও আমেৰিকালৈ ৰাওণা হোৱাৰ কথা ৷ দীৰ্ঘসময়ৰ বাবে আমেৰিকাৰে নাগৰিক আছিল আশ্ৰফ ঘানি ৷২০১৪ চনত আফগানিস্তানৰ ৰাষ্ট্ৰপতি হোৱাৰ পূৰ্বে তেও আমেৰিকাৰ নাগৰিকত্ব ত্যাগ কৰে ৷
ওমানত উপস্থিত হোৱাৰ সময়ত আশ্ৰফ ঘানিৰ লগত আছে আফগানিস্তানৰ প্ৰাক্তন জাতীয় নিৰাপত্তা উপদেষ্টা হামিদুল্লা মোহিব ৷
আফগানিস্তানৰ আৰু রএজন প্ৰাক্তন ৰাষ্ট্ৰপতি হামিদ কাৰজাই এতিয়াও নিজৰ দেশতে আছে ৷ পৰৱৰ্তী চৰকাৰ গঠনক লৈ তেওৰ বুজা পৰা চলি আছে ৷