কোভাক্সিন আৰু কোভশ্বিল্ড প্ৰতিষেধকৰ মিশ্ৰণ কোভিড প্ৰতিৰোধৰ ক্ষেত্ৰত অধিক উপযোগী ৷ এই কথা প্ৰকাশ কৰিছে ভাৰতীয় চিকিৎসা গৱেষণা পৰিষদ চমুকৈ আই চি এম আৰে ৷ আই চি এম আৰে প্ৰকাশ কৰা তথ্য অনুসৰি , ভেকছিনৰ দুটা ডোজৰ ক্ষেত্ৰত যদি এবাৰ কোভিশ্বিল্ড আৰু আনবাৰ কোভাক্সিন ভেকছিন প্ৰদান কৰা হয় , তেনেহ’লে ই অধিক কাৰ্যকৰী হয় ৷ কোভিশ্বিল্ড ডেল্টা প্ৰজাতিৰ বিৰুদ্ধে আৰু কোভাক্সিন ডেল্টা প্লাছ প্ৰজাতিৰ ক’ৰোণা ভাইৰাছৰ বিৰুদ্ধে অধিক কাৰ্যকৰী ৷সেয়ে দুয়োটা ভেকছিনৰ এটাকৈ ডোজ লোৱাসকলৰ দেহত অধিক প্ৰতিৰোধ ক্ষমতাৰ সৃষ্টি হয় ৷