শীঘ্ৰে ঘোষণা হব পাৰে উপ-নির্বাচনৰ দিন৷ৰাজ্যৰ ৬ টাকৈ সমষ্টিত অনুষ্ঠিত হব লগা উপ-নির্বাচনৰ বাবে ৰাজনৈতিক দল সমূহ ইতিমধ্যে তৎপৰ হৈ পৰিছে৷সমান্তৰালভাবে উপ-নির্বাচনৰ বাবে তৎপৰ হৈ পৰিছে নির্বাচন আয়োগো৷উপ-নির্বাচনৰ বাবে ইতিমধ্যে যাৱতীয় প্ৰস্তুতি আৰেম্ভ কৰিছে নির্বাচন আয়োগে৷
১৬ ছেপ্টেম্বৰত শিৱসাগৰ জিলাৰ উপায়ুক্তই ৰাজনৈতিক দল সমূহলৈ উপ-নির্বাচন সম্পর্কীয় এখন জাননী প্ৰেৰণ কৰিছে৷জাননীত কোৱা হৈছে যে,থাওৰা বিধানসভা সমষ্তিৰ উপ-নির্বাচনৰ বাবে আগন্তুক ২০ ছেপ্টেম্বৰৰ পৰা ইভিএম আৰু অন্যান্য নির্বাচনী সামগ্ৰীৰ প্ৰাথমিক পৰীক্ষণ প্ৰক্ৰিয়া আৰম্ভ হব৷পৰীক্ষণ প্ৰক্ৰিয়াত সকলো ৰাজনৈতিক দলৰ প্ৰতিনিধিক উপস্থিত থাকিবলৈ এই জাননীত আহ্বান জনোৱা হৈছে৷
শিৱসাগৰ জিলা উপায়ুক্তৰ এই জাননীৰ পিছতেই উপ-নির্বাচনক লৈ নির্বাচন আয়োগ তৎপৰ হোৱাৰ কথা পৰিস্ফুট হৈ পৰিছে৷অতি শীঘ্ৰেই যে উপ-নির্বাচনৰ দিন নির্বাচন আয়োগে ঘোষণা কৰিব পাৰে সেই কথাও,এই জাননীৰ পিছতেই নিশ্চিত হৈ পৰিছে৷