কটনত অনুষ্ঠিত নহয় প্ৰৱেশ পৰীক্ষা৷২০২১ বর্ষৰ স্নাতক পর্যায়ৰ নামভর্তিৰ বাবে প্ৰৱেশ পৰীক্ষা অনুষ্ঠিত হব বুলি পূর্বেই ঘোষণা কৰিছিল কটন বিশ্ববিদ্যালয়ে৷ বিগত ১৭ আগষ্টৰ সেই জাননী প্ৰত্যাহাৰ কৰি ২১ আগষ্টত আন এখন জাননী জাৰি কৰিছে কটন বিশ্ববিদ্যালয় কতৃপক্ষই৷নতুন জাননী অনুসৰি,কটন বিশ্ববিদ্যালয়ত স্নাতক পর্যায়ৰ নামভর্তিৰ বাবে অনুষ্ঠিত নহয় প্ৰৱেশ পৰীক্ষা৷উচ্চতৰ মাধ্যমিক চুড়ান্ত বর্ষৰ ফলাফলৰ ভিত্তিতেই স্নাতক পর্যায়ৰ নামভর্তি হব বুলিও ঘোষণা কৰিছে বিশ্ববিদ্যালয়খনে৷অনলাইন প্ৰ-পত্ৰ পূৰণৰ প্ৰক্ৰিয়া সন্দর্ভত সৱিশেষ তথ্য বিশ্ববিদ্যালয়খনৰ অফিচিয়েল ৱেবচাইটত শীঘ্ৰে উপলব্ধ হ’ব৷আনহাতে বিশ্ববিদ্যালয়খনৰ এক সূত্ৰই জনোৱা মতে,কেৱল ধনৰ অভাৱৰ বাবে প্ৰৱেশ পৰীক্ষা বাতিল কৰিবলৈ বাধ্য হল বিশ্ববিদ্যালয়খন৷