খং উঠিল কিয় ‘ড্ৰীমগাৰ্ল’ৰ?
কংগণা ৰাণাৱটৰ নাম শুনিয়েই খং উঠিল হেমামালিনীৰ
কিন্তু কিয়?
সমষ্টি হেৰুওৱাৰ ভয়ত ত্ৰস্তমান হেমামালিনী
হয়,অভিনেত্ৰী তথা সাংসদ হেমামালিনীৰ খং উঠিছে৷
খং মানে একেবাৰে প্ৰচণ্ড খং৷
সাংবাদিকে অভিনেত্ৰী কংগনা ৰাণাৱটে মথুৰাৰ পৰা নিৰ্বাচনত প্ৰতিন্দন্দ্বিতা আগবঢ়াব নেকি বুলি সোধাত খং উঠিছে ড্ৰীমগাৰ্লৰ !
উল্লেখযোগ্য যে উত্তৰ প্ৰদেশৰ মথুৰাৰ পৰা এইবাৰ কংগনা ৰাণাৱটে নিৰ্বাচনত প্ৰতিন্দন্দ্বিতা কৰিব বুলি চৰ্চা চলিছে ৰাজনৈতিক মহলত ৷
নিজৰ সমষ্টি
মথুৰাত শনিবাৰে উপস্থিত হোৱা সাংসদ হেমা মালিনীক সোধা হৈছিল “ অভিনেত্ৰী কংগণা ৰানাৱট এইবাৰ মথুৰাৰ পৰা নিৰ্বাচনত উঠিব আপুনি কি কয় ?”
“ ভাল কথা,ভাল কথা,আপোনালোকে মথুৰাৰ পৰা কেৱল চলচ্চিত্ৰৰ তাৰকাকহে বিচাৰে,কাইলৈ হয়তো ৰাখী ছাৱন্তেও ইয়াৰ পৰা প্ৰতিন্দন্দ্বিতা কৰিব!”
“আপোনালোকে ৰাজনীতিকে মথুৰাৰ পৰা প্ৰতিন্দন্দ্বিতা কৰাটো নিবিচাৰে৷আপোনালোকেই সকলোৰে মগজুত ভৰাই দিছে যে ইয়াৰ পৰা কেৱল তাৰকাইহে প্ৰতিন্দন্দ্বিতা আগবঢ়োৱা উচিত”-এনেদৰে কয় হেমামালিনীয়ে৷
হেমামালিনীৰ এই বক্তব্যৰ পিছত এগৰাকী টুইটাৰ ব্যৱহাৰকাৰীয়ে লিখিছে “ যিগৰাকী মহিলা নিজেই এগৰাকী অভিনেত্ৰী,তেওঁৰ স্বামী অভিনেতা,পুত্ৰও অভিনেতা আৰু তাৰ পিছত তেওঁ ৰাজনীতিলৈ আহিছে তেওঁ আকৌ আনক আহিলে বেয়া পায় ?বিগত ১০ বছৰত তেওঁ জনতাৰ কাৰণে কি কৰিলে ক’ব পাৰিবনে?”