দেশৰ ৭৫ সংখ্যক স্বাধীনতা দিৱস উপলক্ষে নুমলীগড় উচ্চতৰ মাধ্যমিক বিদ্যালয়ত বুধবাৰে ১৬ খন ভিন্নধৰ্মী প্ৰাচীৰ পত্ৰিকা উন্মোচন কৰা হয়। বিদ্যালয়খনৰ ষষ্ঠ শ্ৰেণীৰ পৰা দ্বাদশ শ্ৰেণীৰ ছাত্ৰ-ছাত্ৰী সকলে নিজা প্ৰচেষ্টাৰে এই প্ৰাচীৰ পত্ৰিকাকেইখন প্ৰস্তুত কৰি উলিয়াইছে। আনুষ্ঠানিকভাৱে এই প্ৰাচীৰ পত্ৰিকাকেইখন উন্মোচন কৰে শ্ৰেণী সমূহৰ প্ৰতিনিধি সকলে।পৰ্যৱেক্ষক হিচাপে উপস্থিত থাকে শিক্ষক মানস জ্যোতি গগৈ আৰু জুন্তী বৰা। উল্লেখ্য বিদ্যালয়খনৰ অধ্যক্ষ মহেন শইকীয়াৰ প্ৰচেষ্টাত ছাত্ৰ-ছাত্ৰীসকলে এনে সৃষ্টিশীল কৰ্ম কৰি আহিছে।