নাগালেণ্ডৰ গুলীচালনাৰ ঘটনাক লৈ বিবৃতি প্ৰকাশ কৰিছে আছাম ৰাইফলছে ৷ নাগালেণ্ডৰ মন জিলাত আছাম ৰাইফলছৰ গুলীত নিহত হৈছিল কমেও ১২ গৰাকী নীৰিহ লোক ৷ এই ঘটনাৰ পাছত আছাম ৰাইফলছে প্ৰকাশ কৰা এক বিবৃতিত কোৱা হৈছে যে শণিবাৰৰ ঘটনাৰ বাবে তেওলোক গভীৰভাৱে অনুতপ্ত ৷ এই ঘটনাৰ উচ্চ পৰ্যায়ৰ তদন্ত কৰি দোষীক কঠোৰ শাস্তি দিয়া হ’ব বুলিও আছাম ৰাইফলছে ঘোষণা কৰিছে ৷বিবৃতিটোত লগতে এইদৰে কোৱা হয়-‘চোৰাংছোৱা সূত্ৰত খবৰ অনুসৰি সন্ত্ৰাসবাদীক কৰায়ত্ত কৰিবলৈ ওটিঙ গাঁৱত অভিযান চলাইছিল সেনাৰ দলটোৱে ৷’
উল্লেখ্য যে ওটিঙ গাঁৱৰ কিছুসংখ্যক লোক এখন পিক আপ ভানত সন্ধিয়া সময়ত ঘৰলৈ উভতিছিল ৷ সেই সময়তে তেওলোকক সন্ত্ৰাসবাদী বুলি ভাবি আছাম ৰাইফলছৰ এটা দলে গুলীচালনা কৰে ৷ এই ঘটনাত ১২ জন নীৰিহ লোকৰ মৃত্যু হয় ৷