গুজৰাটৰ সোমনাথত কেবাটাও আঁচনি উদ্বোধনৰ সময়ত ভাৰতৰ প্ৰধানমন্ত্ৰী নৰেন্দ্ৰ মোদীয়ে কৈছিল যে সন্ত্ৰাসৰ বলত কিছুসময়ৰ বাবে সাম্ৰজ্য দখল কৰিব পাৰি কিন্তু সেয়া স্থায়ী হ’ব নোৱাৰে ৷কোনোৱে বেছি দিনৰ বাবে মানৱতাক পদানত কৰি ৰাখিব নোৱাৰে ৷ প্ৰধানমন্ত্ৰী মোদীয়ে তালিবানৰ নাম নোলোৱাকৈ এইদৰে আফগ্নিস্তানত তালিবানৰ ক্ষমতা দখল দখল সন্দৰ্ভত মন্তব্য কৰিছিল ৷
তাৰ পাছত ভাৰতৰ প্ৰধানমন্ত্ৰীগৰাকীক উভতি ধৰিছে তালিবানে ৷ বিবিচিৰ বাতৰি অনুসৰি ৰেডিও পাকিস্তানত দিয়া এটা সাক্ষাৎকাৰত তালিবানৰ নেতা ছাহাবুদ্দিন দিলবাৰে কয় যে ভাৰতে অতি সোণকালে বুজি উঠিব যে তালিবানে সুচাৰুৰূপে চৰকাৰ চলাব পাৰে ৷ ভাৰতে আফগানিস্তানৰ আভ্যন্তৰীণ বিষয়ত হস্তক্ষেপ কৰা উচিত নহয় ৷
সাক্ষাৎকাৰটোত তালিবানৰ নেতাগৰাকীয়ে এইবুলিও কয় যে পাকিস্তান আফগানিস্তানৰ প্ৰতিবেশী আৰু মিত্ৰ দেশ ৷ আফগান শৰণাৰ্থীক পাকিস্তানত আশ্ৰয় দিয়াৰ বাবে তেও দেশখন ধন্যবাদো জ্ঞাপন কৰে ৷