ৰাজহুৱা খণ্ডৰ সম্পত্তি ব্যক্তিগত খণ্ডৰ হাতত গতাই দিবলৈ কেন্দ্ৰীয় চৰকাৰে লোৱা সিদ্ধান্তৰ বিৰুদ্ধে গৰজি উঠিছে কংগ্ৰেছ সাংসদ ৰাহুল গান্ধী ৷ কেন্দ্ৰৰ সিদ্ধান্তক সমালোচনা কৰি তেও কয় যে নৰেন্দ্ৰ মোদী আৰু বিজেপিৰ এটা শ্ল’গান আছিল যে বিগত ৭০ বছৰত দেশত একো কাম হোৱা নাই ৷কিন্তু সোমবাৰে বিত্তমন্ত্ৰীয়ে যিসমূহ সম্পদ বিক্ৰীৰ কথা ঘোষণা কৰিলে , সেই সকলো সম্পদ গঢ়ি উঠিছিল যোৱা ৭০ বছৰত ৷ প্ৰধানমন্ত্ৰী মোদীয়ে সকলো বিক্ৰী কৰি দিলে ৷
ৰাহুল গান্ধীয়ে আৰু কয় – ‘ৰেলৱেক ব্যক্তিগত খণ্ডৰ হাতত গতাই দিছে ৷মানে আপোনালোকৰ কৰ্মসংস্থাপণ কাঢ়ি নিছে ৷ মোদীয়ে নিজৰ বন্ধুৰ লগত কথা পতাত ব্যস্ত ৷ ১০৭ টা কয়লা খনি , ২৫ টা বিমান বন্দৰ কাৰ হাতলৈ গৈছে সেয়া সকলোৱে জানে ৷আমি ব্যক্তিগতকৰণৰ বিৰোধী নহয় ৷ আমাৰ চৰকাৰেও ব্যক্তিগতকৰণ কৰিছে কিন্তু তাৰ লগত যুক্তি থকা উচিত ৷’