আফগানিস্তানক লৈ গভীৰ নিশা কাৰ লগত ,কি কথা পাতিলে অজিত দোভালে ?

আফগানিস্তানৰ পৰিস্থিতি পৰ্যালোচনাৰ বাবে বৈঠকত মিলিত হ’ল ব্ৰিকছ ৰাষ্ট্ৰগোষ্ঠী ৷ মঙলবাৰে গভীৰ নিশা ভাৰ্ছুয়েল মাধ্যমযোগে অনুষ্ঠিত এই বৈঠকত সভাপতিত্ব কৰে ভাৰতৰ নিৰাপত্তা উপদেষ্টা অজিত দোভালে ৷
ভাৰত , ব্ৰাজিল , ৰাছিয়া , চীন আৰু দক্ষিণ আফ্ৰিকাক লৈ গঠিত ব্ৰিকছ ৰাষ্ট্ৰগোষ্ঠীয়ে আফগানিস্তানৰ শেহতীয়া পৰিস্থিতিক লৈ গভীৰ উদ্বেগ প্ৰকাশ কৰে ৷নিৰাপত্তা উপদেষ্টা পৰ্যায়ৰ বৈঠকখনত আফগানিস্তানৰ সন্ত্ৰাস নিয়ন্ত্ৰণ , চাইবাৰ নিৰাপত্তা , নিচাজাতীয় সামগ্ৰীৰ সৰবৰাহ ৰোধ আদি বিষয়সমূহ আলোচনা কৰা হয় ৷
ব্ৰিকছৰ বৈঠকৰ পূৰ্বে ভাৰতৰ প্ৰধানমন্ত্ৰী নৰেন্দ্ৰ মোদী আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ মাজত আফগানিস্তানৰ শেহতীয়া পৰিস্থিতিক লৈ দীঘলীয়া আলোচনা হয় ৷
ব্ৰিকছৰ অন্তৰ্গত দুই ৰাষ্ট্ৰ চীন আৰু ৰাছিয়াই ইতিমধ্যে তালিবান চৰকাৰক সহযোগিতাৰ ইংগিত দিছে ৷