#মুকলি চিঠি
মাননীয় মুখ্যমন্ত্ৰী মহোদয়
দিছপুৰ , অসম ।
মহোদয় নমস্কাৰ গ্ৰহন কৰিব । সাম্প্ৰতিক বান পৰিস্থিতিত আপোনাৰ চাল -চলন আমাৰ দৃষ্টিগোচৰ হৈছে ! লাখ লাখ মানুহ বানাক্ৰান্ত হৈ আছে ! অনেক মানুহৰ বান -পানীত প্ৰান গৈছে ! #বানাক্ৰান্তক চৰকাৰে #বানসাহাৰ্য পৰ্যাপ্ত পৰিমানে দিব পৰা নাই ! বস্তুৰ দাম আকাশলংঘী হৈছে ! বানাক্ৰান্তই পোৱা নাই চিকিৎসা ! পশুধন ধংস হৈছে! তেনে সময়ত আপোনাৰ নেতৃত্বত মহাৰাষ্ট্ৰৰ চৰকাৰ ভঙা পতাত আপুনি আগভাগ লৈ পুৰণি অপ-সংস্কৃতিৰ ৰাজনৈতিক স্বভাৱৰে মহাৰাষ্ট্ৰৰ বিধায়ক সকলক হোটেল #ৰেডিচনব্লুত আমাৰ ৰাজহুৱা ধনৰ শৰাধ কৰি অতিথি আপায়ণত উঠিপৰি লাগিছে কিয় সেই প্ৰশ্ন আমাৰ আপোনালৈ ?
ঈশ্বৰে সকলো দিয়াৰ পাছতো ইমান লোভ কিয় ? নিজকে সৰ্বশ্ৰেষ্ঠ দেখোৱাবলৈ গৈ অসম আৰু অসমীয়াক গলচেপা দিছে কিয় ?
মহাৰাষ্ট্ৰৰ বাসিন্দাই অসমৰ বাবে নিশ্চয় মহাৰাষ্ট্ৰৰ তিলমানো ক্ষতি হব নিদিয়ে ! আৰু আপুনি আনক ভালৰি বলাবলৈ নিজক জলাজ্ঞলি দিছে কিয় ?
আপুনি আমাৰ ব্যক্তিগত শত্ৰু নহয় কিন্তু আপুনি যি দেখিছো ক্ৰমান্বয়ে অসমৰ শত্ৰু হবলৈ গৈ আছে !
#অসমচুক্তি , #ছয়নংদফা ,ছয়জনগোষ্ঠিৰ #জনজাতিকৰণ ,#একলাখচাকৰি ,অসমৰ উন্নতি সকলো পিঠি দি কেৱল আৰু কেৱল মাত্ৰ নিজৰ ৰাজনৈতিক উথ্বানৰ বাবে পৰিয়ালৰ সকলোকে এক নম্বৰত ৰাখি অসমৰ ৰাইজক #হিতাধিকাৰী সজাই মুখেৰে টু শব্দ কব নোৱাৰাকৈ আচনিৰ মেৰপাকত আবদ্ধ কৰি ৰখাৰ বাহিৰে কি কৰিছে এবাৰ নিজকে প্ৰশ্ন কৰক ?
আজি বেছি দীঘলীয়া নকৰো মাত্ৰ এটায়ে অনুৰোধ অসম আৰু অসমীয়াক লৈ হেতালী নেখেলিব ! অসমীয়াই আপোনালোকক নিম্ন মধ্যবিত্তৰ পৰা উচ্চ আদ্যবন্ত বনালে ! আৰু সেই অসমীয়াই আজি এসাজ ভাতৰ বাবে বানপানীৰ মাজত ককবকাইছে আৰু আপুনি তেনে তৰল কথাৰে পতিয়ণ নিয়াইছে যে #ৰেডিচনব্লু ৰ GST ৰ টকাৰে অসমলৈ লক্ষ্মী আদৰিছে !
আপুনি দক্ষ , দুৰদৰ্শী আৰু বিচক্ষণ মুখ্যমন্ত্ৰী হওক আমি প্ৰশংসা কৰিম কিন্তু বৰ্তমান আমাৰ দৃষ্টিত আপুনি এজন চতুৰ স্বাৰ্থপৰ মুখ্যমন্ত্ৰীহে !
মনত ৰাখিব সময় বৰ নিষ্ঠুৰ , সময়ৰ সৎ আৰু উচিত ব্যৱহাৰ কৰক ! সময়ে কাকো ক্ষমা নকৰে ! বহু বাঘা বাঘা নেতাই সময়ত ৰাইজক পতাৰণা কৰাৰ পৰিনামত জীৱনৰ আধা সময়ত নিসংগ , অৱহেলিত জীৱনৰ ক্ষণ গনি আছে !
ঈশ্বৰে আপোনাক আৰু শক্তি দিয়ক যাতে অসমৰ ভালৰ বাবে কাম কৰাৰ সুমতি দিয়ে ! ধাৰৰ টকাৰ অপব্যৱহাৰ কৰি আমাৰ ভৱিস্যত প্ৰজন্মক ধৰোৱা কৰি নামাৰিব । সপোন নাভাগিব অসমৰ যুৱক যুৱতীৰ ! এয়ে আহ্বান
এদিন আপুনি ভাগৰুৱা হৈ পৰিব তেতিয়া উপলব্ধি কৰিব যে বহু অসমৰ বাবে ভাল কাম কৰিবলৈ থাকি গল কেৱল তোষামোদকাৰীৰৰ বাঃবাঃ বুটলাহে হৈছিল !
ইতি
মীৰা বৰঠাকুৰ গোস্বামী
সাধাৰণ সচেতন এগৰাকী অসমীয়া নাগৰিক ।
২৪/৬/২০২২