বঙাইগাঁৱৰ কেবিনেটত সিদ্ধান্ত : কলেজ পাবলৈ বিদ্যালয়ত পঢ়িব লাগিব ১৫ বছৰ

বঙাইগাঁৱত অনুষ্ঠিত কেবিনেট বৈঠকত নতুন শিক্ষা নীতিৰ আধাৰত অসমৰ শিক্ষা ব্যৱস্থা গঢ়ি তোলাৰ সিদ্ধান্ত লোৱা হয় ৷ বৈঠকৰ পাছত মুখ্যমন্ত্ৰী ড: হিমন্ত বিশ্ব শৰ্মাই সংবাদমেলযোগে এই কথা সদৰী কৰে ৷ তেও সদৰী কৰা অনুসৰি –
• এতিয়াৰে পৰা বিদ্যালয়ৰ শিক্ষা ব্যৱস্থা ৫+৩+৩+৪ ৰ আধাৰত গঢ়ি তোলা হ’ব ৷
• প্ৰথম ৫ ত থাকিব নিম্ন প্ৰাথমিক , উচ্চ প্ৰাথমিক , নাৰ্ছাৰী , প্ৰথম আৰু দ্বিতীয় শ্ৰেণী ৷ইয়াক কোৱা হব বুনিয়াদী বিদ্যালয় বুলি ৷
• দ্বিতীয় ৩ ত থাকিব তৃতীয় , চতুৰ্থ আৰু পঞ্চম শ্ৰেণী ৷ ইয়াক কোৱা হ’ব প্ৰস্তুতি পৰ্ব বুলি ৷
• তৃতীয় ৩ ত থাকিব ষষ্ঠ , সপ্তম আৰু অষ্টম শ্ৰেণী ৷ ইয়াক মধ্যম বৰ্গ বুলি কোৱা হ’ব ৷
• চতুৰ্থ ৪ ত থাকিব নৱম , দশম , একাদশ আৰু দ্বাদশ শ্ৰেনী ৷
• এইদৰে মুঠ ১৫ বছৰ বিদ্যালয়ত অধ্যয়ন কৰিব লাগিব এগৰাকী ছাত্ৰ- ছাত্ৰীয়ে ৷
• ২০২২ চনৰ পৰা নতুন শিক্ষানীতিৰ আধাৰত আধাৰত বিদ্যালয়ৰ শিক্ষা প্ৰক্ৰিয়া সজাই তোলা হ’ব ৷ ২০২৩ চনৰ পৰা নতুন শিক্ষানীতিৰ আধাৰত পাঠ্যক্ৰমো প্ৰৱৰ্তন কৰা হ’ব ৷
• মাধ্যমিক শিক্ষা পৰিষদ আৰু অসম উচ্চতৰ মাধ্যমিক শিক্ষা সংসদৰ একত্ৰীকৰণ কৰা হ’ব ৷