কৃষি আইন বাতিলত কেন্দ্ৰীয় কেবিনেটৰ অনুমতি , কিন্তু কেনেকৈ সম্পূৰ্ণ হ’ব প্ৰক্ৰিয়া ?

তিনি ক’লা কৃষি আইন বাতিলৰ ঘোষণাত অনুমতি জনাইছে কেন্দ্ৰীয় কেবিনেটে ৷ ১৯ নৱেম্বৰত প্ৰধানমন্ত্ৰী নৰেন্দ্ৰ মোদীয়ে এই আইন কেইখন প্ৰত্যাহাৰ কৰা হ’ব বুলি ঘোষনা কৰিছিল ৷ তাৰ পাছত বুধবাৰে অবুষ্ঠিত কেন্দ্ৰীয় চৰকাৰৰ কেবিনেট বৈঠকত এই সন্দৰ্ভত আনুষ্ঠানিক সিদ্ধান্ত লোৱা হয় ৷ সংসদৰ শীতকালীন অধিৱেশন আৰম্ভ হোৱাৰ তিনিদিনৰ ভিতৰত এই আনুষ্ঠানিকতা সম্পূৰ্ণ হ’ব ৷ ২৯ নৱেম্বৰৰ পৰা আৰম্ভ হ’ব শীতকালীন অধিৱেশন ৷
২০২০ চনৰ ১৭ ছেপ্তেম্বৰত লোকসভাত গৃহীত হৈছিল এই কৃষি আইনকেইখন ৷ ২৭ ছেপ্তেম্বৰত ৰাষ্ট্ৰপতিয়ে অনুমোদন জনাইছিল ৷ ২৬ নৱেম্বৰৰ পৰা আৰম্ভ হয় কৃষক বিদ্ৰোহ ৷ প্ৰায় এবছৰ কৃষক আন্দোলন অব্যাহত থকাৰ পাছত তিনিওখন আইন বাতিলৰ সিদ্ধান্ত লোৱা হয় ৷ ইয়াৰ বাবে কেন্দ্ৰীয় চৰকাৰে দুয়োখন সদনত বিধেয়ক উত্থাপণ কৰিব লাগিব ৷ সংসদত বিধয়েক গৃহীত হোৱাৰ পাছত তাত ৰাষ্ট্ৰপতিয়ে অনুমোদন জনাব ৷ ইয়াৰ পাছতহে অধিসূচনা জাৰি কৰি কৃষি আইনকেইখন প্ৰত্যাহাৰ কৰিব পৰা যাব ৷