ৰাজস্থানৰ বিধান সভা অধিবেশনলৈ মাজত মাত্ৰ 13 দিন বাকী থাকোতে শাসকীয় কংগ্ৰেছ পাৰ্টিয়ে নিজৰ বিধায়ক সকলক ইতিমধ্যে জাইছেলমেৰ নামৰ স্থানৰ এখন ৰিচ’ৰ্টলৈ স্থানান্তৰ কৰিছে।
Indian Express নামৰ দেশৰ আগশাৰীৰ বাতৰি কাকত খনত প্ৰকাশ পোৱা অনুসৰি ৰাজস্থানৰ মুখ্যমন্ত্ৰী তথা কংগ্ৰেছ নেতা অশোক গেহলতে কেন্দ্ৰীয় চৰকাৰ আৰু গৃহ বিভাগক চৰকাৰ ভংগ কৰিবলৈ কৰা প্ৰচেষ্টাৰ বাবে দোষাৰোপ কৰে।
যোৱা বৃহস্পতিবাৰেও গেহলতে বিজেপিৰ বিৰুদ্ধে হৰ্ছ ট্ৰেডিঙৰ অভিযোগ আনি কৈছিল যে বিধান সভাৰ দিন ধাৰ্য কৰাৰ পিছৰে পৰা বিধায়ক সকলক আগতকৈও অধিক ধনৰ অফাৰ দি কিনিবলৈ চেষ্টা কৰা হৈছে।